იატაკი პირველია, რასაც თქვენს დაწესებულებაში ვიზიტისას მომხმარებლები ამჩნევენ. დალაქავებული, დაკაწრული და ჭუჭყიანი იატაკის გამო, სტუმარმა შესაძლოა უარი თქვას თქვენს დაწესებულებაში დროის გატარებასა და მომსახურების მიღებაზე.

  ასევე, ჩამოთვლილი პუნქტების უგულებელყოფა ამცირებს იატაკის სასიცოცხლო დროს, რაც უფრო ხშირი დამატებითი ხარჯების გაწევის საჭიროებას წარმოშობს.

  წარმოგიდგენთ იატაკის მოვლის დროს დაშვებულ ყველაზე ხშირ შეცდომებს და მათი გამოსწორების გზებს.

 

1. ყოველდღიური მოვლის უგუვებელყოფა

  იატაკს ყურადღება ყოველდღიურად უნდა მივაქციოთ და არა მხოლოდ მაშინ, როცა ჭუჭყი მასზე შესამჩნევი გახდება. გარდა ამისა, ყოველდრიურად მცირე დროის გამონახვით, დაზოგავთ ფინანსებს გრძელვადიან პერსპექტივაში, იატაკის სასიცოცხლო დროის გახანგრძლივებით, რომელიც სწორედ ყოველდღიური მოვლით მიიღწევა.

  მტვერსასრუტით რეგულარული დასუფთავება აშორებს მტვერს და წმენდს მას სხვა ზედაპირული ნარჩენებისგან. ეს ასევე არის იატაკის მომზადების პირველი პროცედურა, ყოველდღიური დასუფთავებისთვის. დღეისათვის იატაკის საწმენდი პადები და მოპები, დამუშავებულია სპეციალური ტექნოლოგიით, რომლის დახმარებითაც ერთდროულად შესაძლებელია იატაკის გაპრიალება და გაწმენდა მხოლოდ წყლით, უფრო სწრაფად და მარტივად, ყოველდღიური მოვლის პირობებში, ეს შეუნარჩუნებს იატაკს სიპრიალეს და ცოცხალ ვიზუალს.

 

 

2. იატაკზე ლაქების დატოვება.

  სასმელების, ცხიამიანი საკვებისა და საღებავის ლაქები, იატაკზე დიდი ხნით დარჩენის შემთხვევაში, შესაძლოა მუდმივ ლაქებად გადაიქცეს. შესაბამისმა პერსონალმა რაც შეიძლება სწრაფად უნდა მოახდინოს მათი მოწმენდა და პარალელურად, ყოველდღიურად უნდა ჩაატაროს იატაკზე ლაქების ვიზუალური შემოწმება.

  მიკროფიბრები და მოპები, ასევე ხალიჩის საწმენდი საშუალებები უნდა იყოს შენახული ახლოს, მარტივად ხელმისაწვდომ ადგილზე, რათა ოპერატიულად გაუმკლავდეთ ამ ტიპის დაბინძურებას და თავიდან აირიდოთ იატაკის დაზიანება.

 

3. ძალიან დიდი ან ცოტა რაოდენობის ხსნარის გამოყენება.

  სწორი რაოდენობის საწმენდი საშუალების გამოყენება აუცილებელია რამდენიმე მიზეზის გამო. მაგალითად, ძალიან დიდი რაოდენობით ხსნარის გამოყენება არაეკონომიურია, და ამასთან, შესაძლოა გამოიწვიოს ზედაპირის დაზიანება, მაგ: წებოვანი დალექვა იატაკზე. ძალიან მცირე რაოდენობით მისი გამოყენება (ეკონომიის მიზნით) კი საჭიროს გახდის მის ხელმეორედ გაწმენდას, რაც დამატებითი ფიზიკური ძალისხმევის გაწევას გულისხმობს.

 გამოცნობის პრინციპით რომ არ ვიხელმძღვანელოთ, უნდა გავითვალისწინოთ სწორი დოზირება, რომელიც ნებისმიერ ხსნარს აქვს თანდართული ეტიკეტზე, ასევე დოკუმენტაციის სახით.

 

4. არასწორი პროდუქტის გამოყენება.

  იმას, რომ იატაკის მოვლის საშუალებები სპეციალურად არის ფორმულირებული სხვადასხვა ტიპის ზედაპირებისთვის, თავისი მიზეზი აქვს. შეუსაბამო ხსნარის გამოყენებამ შესაძლოა სერიოზული შესამჩნევი დაზიანება გამოიწვიოს იატაკზე. როგორიც არის მაგალითად ცვეთა, მისი ამოტეხვა, გაუფერულება და ა.შ. ამიტომ, აუცილებელია საწმენდი საშუალებები შეარჩიოთ იატაკის ტიპის მიხედვით და მიყვეთ მწარმოებლის ინსტრუქციებს, მისი გამოყენების შესახებ.

 

5. ტრენინგების უგულებელყოფა.

  ორგანიზაციებს შეუძლიათ ზევით ჩამოთვლილი შეცდომები თავიდან აირიდონ, თუ ეყოლებათ გადამზადებული კადრები ამ მიმართულებით. ამ გზით, ისინი სრულად ინფორმირებულები იქნებიან ჰიგიენის სტანდარტებზე, აღჭურვილობისა და საწმენდი საშუალებების სწორად გამოყენებაზე. როცა თანამშრომელმა ზედმიწევნით იცის, თუ როგორ უნდა დაასუფთავოს იატაკი, რა საშუალებები და რა რაოდენობით უნდა გამოიყენოს სხვადასხვა ტიპის ზედაპირზე, თქვენ გექნებათ ბევრად უკეთესი შედეგი.

  ზევით მოყვანილი ხარვეზების მოგვარებით, თქვენ შეძლებთ მუდმივად შეინარჩუნოთ სისუფთავე თქვენს ორგანიზაციებში და გაახანგრძლივოთ იატაკის სასიცოცხლო დრო, რაც თავიდან აგარიდებთ დამატებით ხარჯებს.

  კლინტექი გთავაზობთ სხვადასხვა დანადგარებს, ხელსაწყოებსა და ქიმიკატებს, რომლების დაგეხმარებათ იატაკის მოვლის პროგრამის შესადგენად. ასევე, ჩვენს მომხმარებლებს ვთავაზობთ დასუფთავების სტანდარტების მიმართულებით, უფასო ტრენინგ პროგრამებს პერსონალისთვის.

დამატებითი ინფორმაციისთვის, დაგვიკავშირდით: info@zom.ge