ამ სტატიაში გაეცნობით მინისებრი ზედაპირის წმენდის დროს დაშვებულ შეცდომებს და მისი სწორი მოვლის მეთოდებს.

გახსოვდეთ, რომ ნებისმიერ ქიმიკატთან ურთიერთობისას, აუცილებელია გამოიყენოთ დამცავი ხელთათმანები და სათვალე.  

არ აქვს მნიშვნელობა, მინის საწმენდად იყენებთ Zoma R3-ს, თუ სხვა საწმენდ საშუალებას, უნდა გაითვალისწინოთ რამდენიმე მნიშვნელოვანი დეტალი, თუ გსურთ, რომ სარკე და სხვა მინისებრი ზედაპირი გაიწმინდოს კარგად და მიიღოთ უკეთესი შედეგი.

პირველ რიგში, მინისებრი ზედაპირების საწმენდად  გირჩევთ გამოიყენოთ მიკროფიბრის ნაჭერი.  რატომ?

-ის იღებს ზედაპირიდან დაბინძურებას გაცილებით ეფექტურად და არ ტოვებს ბუსუსებს წმენდის შემდეგ (ქაღალდის ხელსახოცისა და ხშირ შემთხვევაში, სხვა ტიპის ტილოებისგან განსხვავებით).

სარკის წმენდისას, ხშირად ვხვდებით შემდეგ შეცდომებს:

1. სპრეის პირდაპირ ზედაპირზე მისხურება;
2. ზედაპირის წრიული მოძრაობით გაწმენდა.

რატომ არ შეიძლება სპრეის პირდაპირ ზედაპირზე მისხურება?

• ეს ხშირად იწვევს გაშრობის შემდეგ ზედაპირზე მისი ნაკვალევის დარჩენას.
• ზედაპირზე პირდაპირ მისხურებისას, ქიმიკატი უფრო დიდი რაოდენობით ხვდება ჰაერში. მისი შესუნთქვა კი რა თქმა უნდა არ არის რეკომენდებული.  ამავდროულად, ხვდება სხვა ზედაპირებზეც, რომელიც მისი შემცველობის მიმართ შესაძლოა არ იყოს მედეგი და გამოიწვიოს უნებლიე დაზიანება. ნაჭერზე დასხურების დროს,  მისი ჰაერში გაფრქვევა მინიმალური რაოდენობით ხდება.

მეორე, ყველაზე ხშირად დაშვებული შეცდომა არის ზედაპირის წრიული მოძრაობით გაწმენდა.

წრიული მოძრაობით ზედაპირის გაწმენდა ხელს უწყობს:

• ჭუჭყის გადანაწილებას მთლიან ზედაპირზე (ერთმანეთში შეზელა), რის შედეგადაც, უფრო დიდი ხანი გვიწევს ზედაპირის წმენდა.
• ამასთან, გაშრობის შემდეგ, ზედაპირზე ხშირად რჩება წრიული, ხაზოვანი ნაკვალევი.

ზედაპირი გაწმინდეთ მხოლოდ ვერტიკალური, ან ჰორიზონტალური მიმართულებით!

იმ შემთხვევაში, თუ სარკის სიდიდიდან გამომდინარე, რთულია მას მიწვდეთ, შეგიძლიათ გამოიყენოთ ტელესკოპური ჯოხი.