იქნება ეს სახლი თუ კომერციული დაწესებულება, სისუფთავის შენარჩუნება მოიცავს არა მხოლოდ დაბინძურების მოშორებას, არამედ ამის გაკეთებას ყველაზე ოპტიმალური გზით.

T.A.C.T იშიფრება როგორც:

T – Time (დრო)

A – Action (მოქმედება)

C – Chemical (ქიმიკატი)

T – Temperature (ტემპერატურა)

 

დრო - დამოკიდებულია დაბინძურების ხარისხსა და ტიპზე. კონტაქტის დრო არის პერიოდი, რაც საჭიროა დაბინძურების სრულად მოსაცილებლად. მაგალითად, თუ ლაქა ზედაპირიდან დროულად არ მოვწმინდეთ, დროის გასვლასთან ერთად, რთულდება მისი ამოყვანა, შესაბამისად წმენდისას მოითხოვს მეტ დროს. ზოგიერთი ტიპის დაბინძურებისთვის, მხოლოდ ქიმიკატის კონტაქტის დროის ზრდა არ არის საუკეთესო გამოსავალი. უფრო დიდი ხნით მისმა გამოყენებამ შესაძლოა უარყოფითი შედეგები იქონიოს და დააზიანოს საწმენდი ობიექტი.

მოქმედება - ეს არის წმენდის მეთოდი. მაგალითად, ერთ-ერთი უმთავრესი წესი არის, რომ ობიექტის გაწმენდა მოხდეს ზევიდან ქვევით მიმართულებით, რადგან საპირისპირო მიმართულებით წმენდისას, მოხდება გაწმენდილი ადგილის განმეორებით დაბინძურება.

ქიმიკატი - ქიმიკატის შერჩევა უნდა მოხდეს იმის მიხედვით, თუ რას ვწმენდთ და რა ტიპის დაბინძურებასთან გვაქვს საქმე. მაგალითად, ჩვენ ვერ გამოვიყენებთ ჭურჭლის სარეცხ საშუალებას თეთრეულის გასარეცხად. ასევე, აქ გასათვალისწინებელია მისი რაოდენობა. არ უნდა გამოვიყენოთ იმაზე მეტი - ვიდრე საჭიროა (ამით ვერ მივიღებთ უკეთეს შედეგს,პირიქით, შესაძლოა მოხდეს მისი დაზიანება. ნაკლები რაოდენობით გამოყენებისას კი ვერ მივიღებთ ეფექტურ შედეგს და დაგვჭირდება პროცედურის გამეორება). ყველა შემთხვევაში, ის უნდა იყოს კონტაქტის დროის პროპორციული.

ტემპერატურა - ძალიან მნიშვნელოვანი და საყურადღებო ფაქტორია დასუფთავების პროცესში, არა მხოლოდ ქიმიკატების გამოყენების დროს, არამედ დასუფთავების ყველა ეტაპზე. არასწორი ტემპერატურის შერჩევისას რთულდება დაბინძურების მოცილება ზედაპირებიდან.

 

ყველაფრის გაწმენდის დროს, დაწყებული მანქანით, დასრულებული ჭურჭლით, ჩვენ გვჭირდება ამ კომპონენტებიდან ერთი ან მეტი, რომ მოვახერხოთ მათი გაწმენდა ხარისხიანად და მარტივად.

თუ ერთ-ერთი კომპონენტი გვაკლია, შეგვიძლია შევავსოთ სხვა რომელიმეთი.

გიცდიათ კარაქიანი დანის მხოლოდ ცივი წყლით გარეცხვა? რა თქმა უნდა ეს არც ისე კარგად მუშაობს.

შესაბამისად, თქვენ გჭირდებათ მოქმედება, ქიმიკატი და შესაბამისი ტემპერატურა(ძირითადად ცხიმოვანი დაბინძურების მოსაცილებლად).

ქიმიკატის არ არსებობის შემთხვევაში (მაგალითად სარეცხი ჟელე), ჩვენ რეცხვისთვის უნდა გამოვიყენოთ უფრო მაღალი ტემპერატურის  წყალი რომ გაგვიმარტივდეს რეცხვის პროცესი. ხშირად კი უფრო მეტი ეფექტურობისთვის, ცხელი წყლის კომპონენტს შესაძლოა დაემატოს ქიმიკატი.

გასათვალისწინებელია რომ თითოეული ეს კომპონენტი პროპორციულია ერთმანეთთან. მაგალითად თუ ქიმიკატის რაოდენობა იზრდება, მცირდება მოქმედების და დროის კომპონენტი.

მნიშვნელოვანია დავიცვათ ყველა ეს კომპონენტი, პროპორციულად, რათა მივიღოთ უფრო მარტივი და ხარისხიანი შედეგი დასუფთავებისას.