ქაფის საპნებმა ბოლო დროს საგრძნობლად ჩაანაცვლეს თხევადი საპნის გამოყენება საავადმყოფოებში, სკოლებში, სახლებში, კვების ინდუსტრიაში და სხვა საზოგადოებრივ ადგილებში. თუმცა ტრენდი შესაძლოა იყოს რისკის მომტანი. წარმოგიდგენთ მცირე კვლევას.

ბაქტერიების გასანადგურებლად, ქაფის საპონი შესაძლოა არ იყოს ისეთი ეფექტური, როგორც თხევადი საპონი.

პილოტურ კვლევაში, სადაც სტანდარტული ხელის დაბანის ტექნიკა გამოიყენეს, გამოვლინდა, რომ სველი  ხელის დაბანის დროს,  ერთი დოზა ქაფის საპნით, 6 წამის განმავლობაში და შემდეგ ქაღალდის ხელსახოცით გაშრობისას 4 წამის განმავლობაში, ხელის ბაქტერიების განადგურების თვალსაზრისით ის არც ისე ეფექტური იყო თხევად საპონთან შედარებით.

მედიცინის დოქტორი, ULCA’ს მედიცინის სკოლიდან.

მკვლევარებმა დატესტეს ორი თანამედროვე ბრენდის ქაფის და თხევადი საპნები.

როდესაც მოხალისეებმა დაიბანეს ხელი ქაფის საპნით, თითოეულ ხელზე საშუალო ბაქტერიების კოლონია შემცირდა 3.6-დან 2.6მდე. 

თხევადი საპნით ხელის დაბანისას, კოლონიები შემცირდა 3.8-დან 1.2-მდე. - მნიშვნელოვანი ვარდნა, როგორც ეს ამერიკული ინფექციის კონტროლის ჟურნალმა გამოაქვეყნა.

ექსპერიმენტის დანარჩენი ორი ნაწილი ჩაატარეს სხვა მოხალისეებზე და მიიღეს იგივე შედეგი.

მკვლევართა გუნდმა ივარაუდა, რომ ქაფის საპონი შესაძლოა ნაკლებ ეფექტური იყოს თხევად საპონთან შედარებით, რადგან პომპით მისი გამოყენებისას ის პირდაპირ გამოდის როგორც ქაფი, მაშინ, როცა თხევადი საპონი გარდაიქმნება ქაფად ხელის დაბანის პროცესში. ამასთან, ქაფის საპონის დისპენსერიდან ჩამოსხმისას ჩამოდის ნაკლები რაოდენობა ვიდრე თხევადი საპონის შემთხვევაში.

ასოცირებულმა პროფესორმა, Guter Kampf-მა - გერმანიის Ernst-ის უნივერსიტეტიდან, განაცხადა, რომ ვინაიდან კვლევა იყო პატარა და მეთოდები არ იყო ზუსტი, საჭიროა დამატებითი კვლევები რომ დაადასტურონ შედეგები.

ამასთან, ის ამბობს: საყოფაცხოვრებო პირობებში გამოყენებისას, შესაძლოა არ იყოს განსხვავება თხევად და ქაფის საპონს შორის, რადგან ხელების დაბანის მთავარი მიზანი არის მათი სისუფთავის შენარჩუნება. გარდა ამისა, ძირითადად ბაზარზე არსებული მსგავსი ტიპის საპნებს არ აქვს და არ მოეთხოვება ანტიმიკრობული ეფექტის მქონე აქტივობა. ანტიბაქტერიულ საშუალებებს შორის ყველაზე ეფექტური არის სპირტზე დაფუძნებული საშუალებები. მთავარია სწორი რაოდენობის და სწორი დროით მათი გამოყენება.

„მსოფლიო ჯანდაცვის ორგანიზაციის რეკომენდაციით, ხელების დაბანის პროცედურა უნდა გაგრძელდეს მინიმუმ 20წამის განმავლობაში“.