ინფექციებისა და დაავადებების 80% ვრცელდება ჩვენი ხელების მეშვეობით, შესაბამისად მათი ხშირად დაბანა მნიშვნელოვანია. თუმცა ასევე განსაკუთრებით მნშვნელოვანია დაბანის შემდეგ ხელების სწორად გაშრობა, რომ არ მოხდეს მათი ხელმეორედ დაბინძურება.

ხელების გაშრობის ორი მეთოდი არსებობს. ქაღალდის ხელსახოცები და ელექტრო საშრობები.

არსებობს მოსაზრება, რომლის მიხედვითაც, ელექტრო  საშრობები ხელზე იმაზე მეტ ბაქტერიას ტოვებენ, ვიდრე მასზე იყო ხელების დაბანამდე.

წარმოგიდგენთ 5 მიზეზს, თუ რატომ სჯობს ქაღალდის დისპენსერი საპირფარეშოში ხელის ელექტრო საშრობებს.

1. ქაღალდის ხელსახოცები არის უფრო სწრაფი

საშუალოდ, ელექტრო საშრობებს სჭირდება 45 წამი, რომ გააშროს ხელი 97%-ით, მაშინ, როცა ხელსახოცის გამოყენებისას, იგივე შედეგი მიიღება მაქსიმუმ 10 წამში.

თუმცა ამავდროულად კვლევამ აჩვენა, რომ ადამიანები საპირფარეშოში საშუალოდ 22 წამის განმავლობაში იყენებენ ელექტრო საშრობს და ამ დროში ხდება ხელების 70%-ით გაშრობა. ქაღალდის ხელსახოცების გამოყენებისას კი 5 წამი საკმარისია და ამ დროში ხდება ხელების 87%-მდე შრობა.

2. ქაღალდის ხელსაცხოცები არის ნაკლებ ხმაურიანი

ვესტმინსტერის უნივერსიტეტის კვლევის თანახმად, საშუალოდ ჰაერის საშრობები აწარმოებს 95დეციბალ ხმაურის დონეს, რაც ექვივალენტურია სატვირთო მანქანის ჩავლის ხმისა.

3. ის ანადგურებს უფრო მეტ მიკრობს საპირფარეშოში

2012 წელს, გერმანიაში ჩატარდა კვლევა. (დამოუკიდებელი კვლევითი ლაბორატორია - Eurofins-Inhab) გაზომეს ბაქტერიების რაოდენობა ხელების ელექტრო საშრობ მოწყობილობებზე და იატაკზე სააბაზანოში. კვლევებმა აჩვენა, რომ ქაღალდის ხელსახოცებზე ნაპოვნი ბაქტერიები დაახლოებით 1000ჯერ ნაკლებია საშრობ მოწყობილობებზე არსებულ ბაქტერიებზე. გარდა ამისა, იატაკის უბნების გამოკვლევისას ქაღალდის დისპენსერების ქვეშ საშუალოდ 20-ჯერ ნაკლები ბაქტერია დაფიქსირდა, ვიდრე ელექტრო საშრობების ქვეშ. აღმოჩენილ ბაქტერიებს შორის იყო სტაფილოკოკები, ე-კოლი (ეშერიხია), რომლებმაც შეიძლება გამოიწვიოს საკვებით მოწამვლა, დიარეა და კანის ინფექციები.

4. ხელშეუხებელი გადაწყვეტილება.

ხელსახოცების დისპენსერების გამოყენებისას, მომხმარებლები ეხებიან მხოლოდ იმას, რაც სჭირდებათ, შესაბამისად შემდეგი მომხმარებელი დაცულია, განსხვავებით ხელის საშრობი მოწყობილობებისგან, რომლებიც ხშირ შემთხვევაში ხელს უწყობს მიკრობების გავრცელებას.

5. ქაღალდის ხელსახოცები უფრო ჰიგიენურია.

პათოგენები ადამიანის ხელზე დაბანის შემდეგაც ნარჩუნდება. ქაღალდის ხელსახოცისგან განსხვავებით,  საშრობები ზრდის ბაქტერიების რიცხვს ხელებზე. 2018 წელს, ამერიკის მიკრობიოლოგიის კვლევითმა კავშირმა  დაადასტურა, რომ ხელის საშრობები ავრცელებს ბაქტერიებს ადამიანის ხელებზე, ვინაიდან ძირითად შემთხვევაში  მათი დაბანა ხდება არასწორად, ან მხოლოდ წყლით, რაც ხელის ზედაპირზე ანარჩუნებს ბაქტერიებს, რომლებიც საშრობი მოწყობილობის ჰაერის ნაკადის მეშვეობით ნაწილდება მის კიდეებზე და გადადის შემდეგი მომხმარებლის ხელებზე. 

Zoma-ს დისპენსერებისა და ქაღალდის ხელსახოცების ასორტიმენტი.