შესაძლოა დამაბნეველად გამოიყურება, თუმცა სარეცხი ნიშნები ძალიან მარტივად გასაშიფრია.

ტანისამოსზე არსებული ყველა ნიშანი გვეუბნება რისგანაა ქსოვილი შექმნილი და როგორ უნდა მოვუაროთ მას.

წყლით სავსე ნიშანი ნიშნავს რომ შესაძლებელია ქსოვილის რეცხვა.

თუ სამოსი ირეცხება მანქანით, სიმბოლოში ნახავთ წერტილებს ან ციფრებს, რაც რეკომენდებული ტემპერატურის შესაბამისია.

ერთი წერტილი ნიშნავს 30°C-ს (ნიშნავს რომ შეგიძლიათ გარეცხოთ ქსოვილი ცივ წყალში).

ორი წერტილი ნიშნავს 40°C-ს (ნიშნავს რომ შეგიძლიათ ქსოვილი გარეცხოთ თბილ წყალში).

სამი წერტილი ნიშნავს 60°C-ს (რეცხვა ცხელი წყლის პირობებში).

იმ შემთხვევაში თუ ხედავთ ერთ ხაზს სიმბოლოს ქვევით, ეს ნიშნავს რომ შესაძლებელია მანქანით გარეცხვა.

ორი ხაზი ნიშნავს რომ ქსოვილი უფრო მეტად სენსიტიურია და სჭირდება მეტი მექანიკური ზეწოლა. 

თუ სიმბოლოზე დამატებულია ხელი, ნიშნავს რომ ქსოვილი უნდა გარეცხოთ 40°C-ზე დაბალ ტემპერატურაზე,ხელით ან გამოიყენოთ სარეცხი მანქანის ხელით რეცხვის პროგრამა.

შესაძლოა ტანსაცმელზე შეგვხვდეს სიმბოლო სადაც ავზი გადახაზულია, ეს ნიშნავს, რომ ამ ქსოვილის გარეცხვა არ შეიძლება (ძირითადად ამ ტიპის ქსოვილებისთვის გამოიყენება ქიმწმენდა).

 

მათეთრებელი სიმბოლოები:

მათეთრებლის გამოყენებამდე, აუცილებელია შეამოწმოთ იარლიყი, სადაც ამოიკითხავთ ინფორმაციას მათეთრებლის ამტანობასთან დაკავშირებით.

სამკუთხედი, რომელსაც კვეთს ორი დიაგონალური ხაზი გვეუბნება, რომ არ გამოვიყენოთ მათეთრებელი.

სამკუთხედი, რომელშიც არის ორი დიაგონალური ხაზი, მიგვანიშნებს, რომ შეგვიძლია გამოვიყენოთ მათეთრებელი, რომელიც არ შეიცავს ქლორს.

თუ ხედავთ ცარიელ სამკუთხედს, ეს ნიშნავს რომ შეგვიძლია გამოვიყენოთ ნებისმიერი მათეთრებელი ქსოვილზე.

 

შრობის სიმბოლოები:

რეცხვის და დაუთოების გარდა სამრეცხაოში რეცხვის პროცესი მოიცავს შრობასაც.

ყურადღებით უნდა წაიკითხოთ ტანისამოსის ეტიკეტზე დატანილი სიმბოლოები, საიდანაც გაიგებთ თუ რომელია საუკეთესო გზა მისი შრობისთვის ისე, რომ არ მოხდეს ქსოვილის დაზიანება, გადიდება ან დაპატარავება.

კვადრატში ჩახატული წრე ნიშნავს რომ შესაძებელია შრობა.

კვადრატში ჩახატული წრე, რომელშიც დასმულია წერტილი, ნიშნავს რომ შესაძლებელია გაშრობა, მხოლოდ დაბალ ტემპერატურაზე.

თუ კვადრატში ჩახატულია რკალი, ნიშნავს რომ შესაძლებელია თოკზე გაშრობა და ქსოვილი არ განიცდის დეფორმაციას.

თუ კვადრატში არის ჩახატული სამი ვერტიკალური ხაზი, ნიშნავს რომ უნდა ჩამოიკიდოს საკიდზე და ისე გაშრეს.

თუ კვადრატში ჩახატულია ჰორიზონტალური ხაზი, ნიშნავს რომ ქსოვილი უნდა გააშროთ ჰორიზონტალურ მდგომარეობაში, რომ არ გაიწელოს.

თუ კვადრატში ჩახატული წრე გადახაზულია ორი დიაგონალური ხაზით, ნიშნავს რომ ამ ტიპის ქსოვილის შრობა საშრობში არ შეიძლება.

 

დაუთოება:

უთოს სიმბოლო ნიშნავს რომ შესაძლებელია სქოვილის დაუთოება.

სიმბოლოში წერტილები ასახავს ტემპერატურას.

ერთი წერტილი ნიშნავს, რომ შესაძლებელია შრობა 110°C-მდე.

ორი წერტილი ნიშნავს, რომ შესაძლებელია შრობა 150°C-მდე.

სამი წერტილი ნიშნავს, რომ შესაძლებელია შრობა 200°C-მდე.

ტანისამოსის სწორი მოვლა მაქსიმალურად დიდი ხნით შეუნარჩუნებს მას პირვანდელ სახეს. ამასთან, იდეალური შედეგის მისაღებად, მნიშვნელოვანია კარგად გაეცნოთ სარეცხი საშუალების ეტიკეტზე დატანილ ინფორმაციას, რომ სწორად შეუსაბამოთ რეცხვის რეჟიმი. 

გაეცანით Zoma-ს სარეცხ საშუალებებს საყოფაცხოვრებო და პროფესიონალური მანქანებისთვის >>> სარეცხი საშუალებები