თუ მიკროფიბრის ნაჭერს სწორად მოუვლით, ის ძალიან დიდი ხნის განმავლობაში შეინარჩუნებს თავის თვისებებს და გამოგადგებათ ხანგრძლივი პერიოდის მანძილზე.

1. გაავლეთ მიკროფიბრის ნაჭერი გარეცხვამდე.

როდესაც დასუფთავებას დაასრულებთ, პირველი რაც უნდა გააკეთოთ, არის მიკროფიბრის გავლება ხელით. (რომ მასზე არ დარჩეს რაიმე ჭუჭყი. მოშორდეს ყველანაირი ზედაპირული დაბინძურება, რაც შესაძლოა რეცხვისას ლაქად გადაიქცეს).

2. განაცალკავეთ სხვა სარეცხისგან.

არ გარეცხოთ მიკროფიბრის ნაჭერი სხვა სარეცხთან ერთად. აუცილებელია მათი განცალკევება, რადგან მიკროფიბრები შემუშავებულია ტექნოლოგიით, რომლის წყალობითაც ის იკრავს ყველაფერს, შესაბამისად სხვადასხვა ქსოვილიდან შესაძლოა აიკრას ბუსუსები, მაგალითად ბამბის ქსოვილისგან მისი ბოჭკოები. თუ გვსურს შევინარჩუნოთ მიკროფიბრა სუფთად და არ მოგვიწიოს მიკრული ბუსუსების მოცილებაში დროის კარგვა, უნდა გავრეცხოთ განცალკევებით.

3. გამოიყენეთ რაც შეიძლება ცოტა ქიმია.

არ გამოიყენოთ ძლიერი სარეცხი საშუალებები, როგორიცაა დამარბილებელი, მათეთრებელი, რომ არ გამოვიწვიოთ ქსოვილის დაზიანება.

4. გარეცხეთ თბილი წყლით.

არ გამოიყენოთ ცხელი წყალი. რეკომენდებულია თბილი წყლით მიკროფიბრის ნაჭრის გარეცხვა. ცივმა წყალმა შესაძლოა კარგად ვერ მოაცილოს მასზე არსებული დაბინძურება, ცხელმა წყალმა კი შესაძლოა დააზიანოს მიკროფიბრის ბოჭკოები. ამიტომ რეკომენდებულია გამოიყენოთ მხოლოდ თბილი წყალი.

5. შრობა.

რეკომენდებულია მიკროფიბრის ნაჭრის გაშრობა თოკზე. ისევე როგორც ცხელი წყლით რეცხვის დროს, მაღალ ტემპერატურაზე შრობა გამოიწვევს მის დაზიანებას. 

6. ხელით რეცხვა.

შესაძლებელია მიკროფიბრის ნაჭრის ხელით გარეცხვაც. აავსეთ ავზი თბილი წყლით, დაამატეთ მცირეოდენი სარეცხი საშუალება, რაც შეიძლება იყოს საპონი, მცირე რაოდენობით სადეზინფექციო ხსნარი, ხელით გახეხეთ, შემდეგ კარგად გაავლეთ წყალში და გააშრეთ.

 

Zoma-ს კატალოგში გვაქვს სხვადასხვა ფერის მიკროფიბრის ნაჭერი. მიკროფიბრის ტილოები