როგორ დავიცვათ თავი გასახდელ ოთახში?
გასახდელ ოთახებში არსებული კარადები ბაქტერიების, ვირუსების და სხვადასხვა სოკოვანი ინფექციების დაბუდების ადგილი შეიძლება იყოს.
შესაბამისად მნიშვნელოვანია სისუფთავის შენარჩუნებაში მიიღონ მონაწილეობა როგორც პერსონალმა, ასევე დაწესებულების სტუმრებმა, რადგან ამ გარემოში სისუფთავის დაცვა აუცილებელია ადამიანების ჯანმრთელობისთვის.
პირველ რიგში წარმოგიდგენთ ბაქტერიულ საფრთხეებს, რომლებიც შესაძლოა გამოვლინდეს არასათანადო სისუფთავის შემთხვევაში.
- სტაფილოკოკური ბაქტერიები მარტივად ვრცელდება აღჭურვილობის გაზიარებისას.
- სოკოები, ძირითადად იბუდებენ ნესტიან, თბილ ადგილებში. გასახდელებში ადამიანმა შესაძლოა აიკრას სოკოვანი ინფექციები მაგალითად ფეხშიშველი სიარულის დროს, თუ იატაკი არ იწმინდება რეგულარულად. (ასევე საფრთხეა პლანტარული მეჭეჭების).
- რინგვორმი კიდევ ერთი სოკოვანი დაავადებაა, რომელიც შესაძლოა გავრცელდეს გასახდელ ოთახებში.
- ბინძურმა ზედაპირებმა შესაძლოა გაავრცელოს რესპირატორული ინფექციები, როგორიცაა გრიპი, გაციება.
დაწესებულების მენეჯერებისთვის:
დაწესებულების მენეჯერებმა უნდა გააცნობიერონ ის რისკები, რომლებიც დაკავშირებულია მოუწესრიგებელ გასახდელებთან.
გასახდელები უნდა დასუფთავდეს ყოველდღიურად. ამასთან, სათითაოდ უნდა მოხდეს თითოეული კარადის გაწმენდა და დეზინფექცია ყოველ საათში ერთხელ მაინც, ახალი მომხმარებლის ვიზიტისას. დარბაზში კარადები ძირითადად დაკეტილია, შესაბამისად პერსონალმა შესაძლოა ვერ მოახერხოს მუდმივი კონტროლი და ყველა კარადის ყოველ საათში დეზინფექცია. ამიტომ, რეკომენდებულია გასახდელში განთავსებული იყოს სადეზინფექციო საშუალებები, რათა ხელმისაწვდომი იყოს მომხმარებლისთვის, სურვილის შემთხვევაში, თავად მოახდინოს კარადის დეზინფექცია, გამოყენებამდე.
კომფორტულია სადეზინფექციო ხელსახოცები ან სპრეი ბოთლები.
გარდა ბაქტერიების და ვირუსების გავრცელების რისკების პრევენციისა, რეგულარული წმენდა საჭიროა უსიამოვნო სუნის გასაქრობადაც, რომელიც კარადებებში და ოთახში რჩება.
ამას გარდა, შენობაში აუცილებელია იყოს მოწესრიგებული სავენტილაციო სისტემა. ცუდი ვენტილაციის შემთხვევაში, რეგულარული წმენდა სუნს ბოლომდე ვერ გააქრობს.
ყველაფერი ზემოთ ჩამოთვლილი კიდევ ერთხელ ადასტურებს სისუფთავის შენარჩუნების აუცილებლობას.
გამაჯანსაღებელი ცენტრის არცერთ სტუმარს, სასტუმროს ვიზიტორს, მოყვარულ თუ პროფესიონალ სპორტსმენს არ სურს გასახდელი ოთახის დატოვება სოკოვანი, ბაქტერიული ან რესპირატორული ინფექციით. საბედნიეროდ, დაწესებულებების მენეჯერებს შეუძლიათ უზრუნველყონ ეს სისუფთავე ქვემოთ მოცემული საუკეთესო პრაქტიკის დაცვით:
- აარჩიეთ სწრაფი, ეფექტური და შესაფერისი დეზინფექტანტი. საუკეთესო ვარიანტია ჟანგბადის დეზინფექტანტის გამოყენება რომელიც ეფექტურად ებრძვის და ანადგურებს ყველა ზევით ჩამოთვლილ ბაქტერიას. Oxivir Plus Wipes.- სადეზინფექციო ხელსახოცები.
- რომ არ მოხდეს ხელახალი დაბინძურება, დეზინფექცია უნდა მოხდეს ზევიდან ქვევით მიმართულებით (ისევე როგორც წმენდისას). მაგალითად დაიწყეთ საშხაპიდან და ბოლოს გაწმინდეთ დრენაჟები. ან ჯერ გაწმინდეთ სარკე და შემდეგ ნიჟარა, უნიტაზი, იატაკი.
- გამოავლინეთ მაღალი რისკის შემცველი ადგილები. განსაკუთრებული ყურადღება უნდა გაამახვილოთ საშხაპის სადრენაჟო ადგილებზე, სადაც არის ჭარბი ტენიანობა, რაც ხელს უწყობს ობის და ჭუჭყის ზრდას. გაითვალისწინეთ, რომ იატაკები ინარჩუნებს ბაქტერიებს, განსაკუთრებით თუ ვიზიტორები ფეხშიშველები დადიან.
- დაასუფთავეთ რეგულარულად. გასახდელები მოითხოვს მუდმივ ყურადღებას, რადგან სტაბილურად ხდება მათი გამოყენება მთელი დღის განმავლობაში. აუცილებელია შეიქმნას გრაფიკი, რომელიც უფრო მოიცავს დატვირთულ პერიოდებს, რომ ბაქტერიები და ხილული ნიადაგები ზედაპირებზე არ დაგროვდეს.
- იქონიეთ ჰიგიენური საშუალებების მარაგი. მნიშვნელოვანია რომ შესაფერისი საწმენდი საშუალებები და აღჭურვილობა იყოს მარტივად ხელმისაწვდომი. ჯვარედინი დაბინძურების თავიდან ასაცილებლად მოახდინეთ ხელსაწყოების შეძენა ფერადი კოდირებით და გამოყავით სხვადასხვა ფერის დასუფთავების აღჭურვილობა სხვადასხვა სივრცისთვის. მაგალითად: სავარჯიშო სივრცე, გასახდელი ოთახი, საპირფარეშო, გარე სივრცე. დაწესებულებებს ასევე უნდა ჰქონდეთ ჰიგიენური საშუალებების მარაგი, როგორიცაა: თხევადი საპნები, ქაღალდის ხელსახოცები, რათა მომხმარებელმა შეძლოს ხელის ჰიგიენის შენარჩუნება რაც ხელს შეუშლის მიკრობების გამრავლებას.
დაწესებულების ვიზიტორისთვის:
კარგი პრაქტიკაა ყველა ვიზიტორს, ინდივიდუალურად თან ჰქონდეს სადეზინფექციო საშუალება, რომელსაც გამოიყენებს საკუთარ კარადაზე და სატრენაჟორო აღჭურვილობაზე ვარჯიშისას.
სადეზინფექციო ხსნარის მინი შეფუთვები
1. ვარჯიშამდე, სადეზინფექციო ხელსახოცით ან ხსნარით გაწმიდნეთ ის აღჭურვილობა, რომელსაც ეხებით.
2. რეკომენდებულია ვარჯიშისას თან ატაროთ შუშის ან მეტალის ბოთლი. (პლასტმასის ბოთლები მეტად იკრავს ბაქტერიებს).
3. ვარჯიშის შემდეგ, მომენტალურად მიიღეთ შხაპი. მოერიდეთ მისაღებ სივრცეებში დაჯდომას. ბაქტერიები მარტივად ვრცელდება ოფლიან ტანსაცმელზე.
4. არ იაროთ გასახდელებში ფეხშიშველებმა, რადგან არის სოკოვანი და სხვა კანის ინფექციების გავრცელების საფრთხე.
5. არ გააზიაროთ პირადი მოხმარების ნივთები, როგორიცაა: პირსახოცი, წყლის ბოთლი, საპონი, ჯაგრისი.
აუცილებელია, რომ გასახდელი ოთახები გამაჯანსაღებელ / სპორტულ დაწესებულებებში იყოს სუფთა. ზემოაღნიშნული საუკეთესო პრაქტიკის დაცვით, დაწესებულებებს შეუძლიათ ჰიგიენის დაცვა გასახდელ ოთახებში და ვიზიტორებს, პირადი ჰიგიენის დაცვით შეუძლიათ თავიდან აირიდონ სხვადასხვა სოკოვანი, ვირუსული და ბაქტერიული ინფექციები.