ექსპოზიციის დრო - ეს არის დრო, რომელიც საჭიროა კონკრეტული სადეზინფექციო საშუალებისთვის, ზედაპირზე მიკრობების ეფექტურად გასანადგურებლად.

ყველა სადეზინფექციო საშუალებას აქვს სხვადასხვა ექსპოზიციის დრო. ზოგიერთი მათგანისთვის ეს დრო შეიძლება იყოს 2-3 წუთი, ზოგს კი სჭირდება ბევრად ნაკლები. ეს ნიშნავს, რომ ზედაპირი დეზინფექციისას უნდა შენარჩუნდეს სველ მდგომარეობაში 2-3 წუთით.

ძირითადად, ზედაპირების დეზინფექციისთვის იყენებენ სპრეი ბოთლებს. პრაქტიკაში ჩვენ ხშირად ვხედავთ როგორ ასხურებენ ზედაპირზე ამ ხსნარებს და მომენტალურად წმენდენ, რაც არასწორ დეზინფექციას ნიშნავს. ამ მეთოდით ხდება სანიტარიცაზია და ჯვარედინი დაბინძურების საფრთხის შემცირებაც, თუმცა არა დეზინფექცია.

სანიტარიზაცია : მე შევამცირე მიკრობების რაოდენობა ზედაპირზე.

დეზინფექცია: მე გავანადგურე კონკრეტული რაოდენობის მიკრობები, გარკვეული პროცენტით.

სტერილიზაცია: მე გავანადგურე მიკრობები სრულად.

თუ წავიკითხავთ ნებისმიერი სადეზინფექციო ხსნარის ეტიკეტზე დატანილ ინფორმაციას, ამოვიკითხავთ ექსპოზიციის დროს. თუ ექსპოზიციის დრო არის მაგალითად 1 წუთი, ეს ნიშნავს, რომ ზედაპირს უნდა შეასხუროთ ხსნარი 1 წუთის განმავლობაში, ან შეინარჩუნოთ ზედაპირი სველ მდგომარეობაში 1 წუთის განმავლობაში.  შესაძლოა საჭირო იყოს რამდენჯერმე სპრეის მისხურება ზედაპირზე, თუმცა ამ დროის განმავლობაში ზედპაირი უნდა დარჩეს სველი.

წინააღმდეგ შემთხვევაში, ზედაპირზე მხოლოდ სპრეის მისხურება და ჩამოწმენდისას ხდება მხოლოდ მისი სანიტარიზაცია არასრულად, რაც გულისხმობს მხოლოდ მიკრობების რაოდენობის შემცირებას ზედაპირზე (უსაფრთხო დონეზე - მეტი დროის დაყოვნებით), თუმცა არა მათ სრულად განადგურებას.

ნებისმიერი სადეზინფექციო საშუალების მწარმოებელს ლაბორატორიულად გამოკვლეული და დამტკიცებული აქვს ექსპოზიციის დრო, რომელიც მითითებულია ეტიკეტზე.

შესაბამისად, თუ გვსურს ზედაპირზე არსებული მიკრობების, ვირუსებისა და პათოგენების ეფექტურად განადგურება, უნდა დავიცვათ მითითებული ექსპოზიციის დრო. 

მაგალითისთვის, Zoma Steril - რომელიც ეფექტურად ანადგურებს თითქმის ყველა სახის მიკრობს, პათოგენსა და ვირუსს, მათ შორის კორონა ვირუსს, ზედაპირებზე გამოყენებისას, ექსპოზიციის დრო აქვს 15 წამი.  ეს ნიშნავს, რომ 15 წამის განმავლობაში უნდა მოხდეს მისი ზედაპირზე შენარჩუნება ეფექტური შედეგის მისაღებად. 

სადეზინფექციო საშუალებების შერჩევა შეგიძლიათ ჩვენს ვებ-გვერდზე. სადეზინფექციო საშუალებები სხვადასხვა ზედაპირისთვის.