მშრალი წმენდა:

მნიშვნელოვანია ხალიჩა გაწმინდოთ მტვერსასრუტით რეგულარულად, განსაკუთრებით თუ მასზე  ხშირი მოძრაობაა. 

ხალიჩის ოთახში ან დაწესებულებაში დაგების შემდეგ, უნდა მოხდეს მისი გაწმენდა მინიმუმ კვირაში ერთხელ და კიდევ უფრო ხშირად მაღალი მოძრაობის ადგილებში.

მტვერსასრუტის მინიმალური გასმის რაოდენობა უნდა იყოს ნაკლებ დაბინძურებულ ადგილას 3-4, ხოლო ძალიან დაბინძურებულ ადგილებზე 5-7 მაინც.

მტვერსასრუტი გამოიყენეთ სტრუქტურის წყობის მიმართულების საწინააღმდეგოდ, რაც დაგეხმარებათ უკეთ ამოიყვანოთ ჭუჭყი ქვედა ნაწილიდან. 

დასრულებისას კი გაწმინდეთ წყობის მიმართულებით, ზედაპირისთვის ერთგვაროვანი იერსახის მისანიჭებლად.

 

მტვერსასრუტის ხარისხი:

გამოიყენეთ მხოლოდ ხარისხიანი მტვერსასრუტი.

მიკროფილტრული სისტემებით აღჭურვილი მტვერსასრუტები უზრუნველყოფს წვრილი ნაწილაკების (მტვრის ალერგენების) ამოღებას და შეგროვებას ტომარაში. ხალიჩის წყობის მიხედვით უნდა გამოიყენით სხვადასხვა ტიპის ჯაგრისი.

საუკეთესო შედეგის მისაღებად, მტვერსასრუტსა და ხალიჩას შორის მანძილის ცვლა უნდა მოხდეს ხალიჩის სიმაღლის მიხედვით. (შეძენისას, უმჯობესია აარჩიოთ მტვერსასრუტი, რომელსაც ეს ფუნქცია აქვს).

სამუშაოს კარგად შესასრულებლად,  მტვერსასრუტს სჭირდება ჰაერის ნაკადი, შესაბამისად, თუ ის ზედმეტად მიბჯენილია ხალიჩაზე,  ისე ეფექტურად ვერ იმუშავებს, როგორც დარეგულირებული სიმაღლით.

შთანთქმის ეფექტურობა იკლებს უკვე მაშინ, როცა ტომარა ნახევრად ივსება.  

ცვალეთ ტომარა და ფილტრი ხშირად, ისე როგორც ეს წერია მწარმოებლის ისტრუქციებში.

 

ორთქლით გაწმენდა.

ხალიჩის გამოყენების სიხშირის მიხედვით, მიზანშეწონილია მისი პროფესიონალური გაწმენდა ორთქლით ყოველ 12-18 თვეში ერთხელ.

ეს პროცედურა აუცილებლად უნდა ჩატარდეს პროფესიონალის მიერ, რომელსაც აქვს გამოცდილება და კომპეტენცია ამ მიმართულებით.

საკუთარი ძალებით შამპუნირება, ორთქლით გაწმენდა არ არის რეკოკმენდბეული, რადგან შესაძლოა არასწორმა გამოყენებამ დააზიანოს ხალიჩა.

 

ლაქების წმენდა:

ლაქების არსებობისას უნდა ვიმოქმედოთ მომენტალურად, რათა ის არ ჩაჯდეს ქსოვილის ბოჭკოებში, რის შემდეგაც რთულდება, ხშირად კი შეუძლებელიც ხდება მისი მოცილება.

სითხეები (განსაკუთრებით ცხელი ) მომენტალურად უნდა მოაშოროთ ხალიჩას. თუ დაელოდებით გაშრობას ან გაციებას, მისი მოცილება შემდეგ ბევრად გაგიჭირდებათ.

ლაქების ამოყვანისას, უნდა გავითვალისწინოთ ხალიჩის ტიპი და ასევე საშუალების შემადგენლობა, რომელსაც მასზე ვიყენებთ, რომ არ მოხდეს შეუსაბამო პროდუქტის გამოყენება, რამაც შესაძლოა გამოიწვიოს ხალიჩის ფერის შეცვლა, სტრუქტურის დაშლა და ა.შ.

მიჰყევით პრეპარატის მწარმოებლის ინსტრუქციას.

 

ხალიჩის დაცვის გზები:

განათავსეთ ფეხსაწმენდები კართან(შესასვლელთან).

გამოიყენეთ ავეჯის ქვეშ (სკამის ფეხებზე, მაგიდის ფეხებზე) რბილი საცობები, რომ არ დაზიანდეს ხალიჩა.

იხილეთ: სრულად ხალიჩის მოვლის შესახებ